لم يكن محمد كمال، سائق ميكروباص من قرية «سنتريس» في محافظة المنوفية، يتوقع أن يومه العادي على خط «إمبابة – رمسيس» سيتحول إلى قصة ملهمة يتداولها الملايين عبر مواقع التواصل الاجتماعي، وأن اسمه سيصبح محور حديث الصحافة المحلية والعالمية بعد موقف بسيط لكنه يحمل معاني عميقة عن الأمانة والشهامة.
بدأ المشهد عندما كان محمد يقف بجوار ميكروباصه في انتظار تحميل الركاب، إذ اقترب منه سائح أجنبي، الذي تبين لاحقًا أنه البلوجر الأمريكي الشهير «مستر شنايدر»، وسأله عن قيمة الأجرة، رد محمد بشكل مباشر: «7 جنيه»، وهو السعر المعتاد للرحلة، لكن الموقف تحول عندما تدخل أحد الباعة في الشارع واقترح على السائح أن يطلب منه «50 جنيهًا»، معتقدًا أن السائح لن يمانع الدفع وقد لا يعرف السعر الحقيقي، وهنا جاء رد محمد حاسمًا: «هي 7، زي أي راكب، ودي الأجرة اللي بيدفعها أي حد»
محمد يروي لـ«إقرأ نيوز» تفاصيل ما حدث قائلاً: «أنا مكنتش أعرف إنه بيصور ولا كنت واخد بالي إنه مشهور، هو بالنسبة لي راكب عادي، ودي شغلتي، أنا شايف إن المعاملة الكويسة للسائح أهم من أي مكسب لحظي، لأن ده وجهة نظره عن البلد كلها، لو كل واحد ابتدى بنفسه البلد دي هتبقى في حتة تانية»
ويضيف: «بصراحة، حتى لو كان دفع خمسين جنيه، المبلغ مش فارق معايا، أنا باشتغل علشان أكل عيش بالحلال، وأربي بناتي على الصح، اللي مش من حقك ما تاخدوش، دي حاجة تربينا عليها من صغرنا»
محمد يؤكد أن هذا الموقف لم يكن الأول له في التعامل مع السياح، لكنه لم يتوقع أن الفيديو سيصل إلى هذه الشهرة، ويقول: «اشتغلت سنين في السبتية، والسبتية بييجي فيها أجانب كتير عشان يشوفوا الحاجات القديمة والتحف، وعادي ممكن يصوروا كل حاجة حواليهم، فما خطرش في بالي إنه بيصور الموقف نفسه»
جيران وأصدقاء: محمد طول عمره كده
عدد من جيران محمد في «سنتريس» أكدوا أن ما فعله ليس غريبًا عليه، حيث يقول عم حسن، أحد جيرانه القدامى: «محمد من وهو صغير معروف بالأمانة، حتى وهو مسافر للشغل في القاهرة عمره ما رجع بحاجة مش من حقه، دي تربيته وده طبعه»
أما صديقه أحمد، الذي عمل معه لفترة في الميكروباص، فيقول: «محمد بيشيل هم الناس قبل همه، ممكن يركب حد مش معاه الأجرة كاملة ويقوله المرة الجاية، وده نادر في الشغلانة دي»
- ضبط عيادة تخسيس في المنوفية تديرها نصابة تتقمص شخصية طبيب
- محافظ المنوفية يكرم أسرة رئيس جهاز مياه الشرب الراحل أثناء تأديته واجبه
- مبادرة «زاد للمتعففين»: جهود إنسانية لإطعام المحتاجين في قرية زاوية جروان بالمنوفية
- 740 محضرًا تم تحريرهم في حملات تفتيشية على المخابز والأسواق بالمنوفية
- جنازة عسكرية مهيبة للرائد أحمد حافظ بحضور محافظ المنوفية بعد وفاته في حادث سير (صور)