تحدث عدلي القيعي، رئيس شركة الكرة السابق بالنادي الأهلي ومقدم برنامج «ملك وكتابة» على قناة النادي، عن تصريحات رضا عبدالعال، نجم الكرة المصرية السابق، التي تناولت أحمد مصطفى زيزو، لاعب النادي الأهلي.
وكان رضا عبدالعال قد صرح في برنامج تليفزيوني قائلًا: «جماهير الأهلي واخدين في زيزو أكبر مقلب، وحسام حسن مش هيطلعه من الملعب عشان لبس تيشيرت الأهلي ممكن يطلع محمد صلاح وميطلعهوش، لما كان في الزمالك كان بيكون أول تغيير»
ورد عدلي القيعي خلال برنامجه على قناة الأهلي قائلًا: «رضا عبدالعال قال من سنتين على الهواء إن (مدرب منتخب مصر لو كان اعتمد على زيزو بصورة أساسية كان هياخد بطولة أفريقيا)، يعني دلوقتي المقلب هو اللي شربهولنا من واحد لو كان اعتمد عليه أكتر من كده كنا خدنا بطولة إفريقيا، لواحد إية اللي أنتو واخدينه لو اتاخد يبقى بيتجامل»
وأضاف: «إنت كنت بتطالب إنه يلعب على طول، تفتكر الناس اللي بتسمع هذا الكلام رد فعلها هيبقى إيه وتقيمها هيبقى إيه، رأيي أنا إن في ناس متربصة عمرها ما هتشوف الشربات إلا فسيخ، الفكرة إنه مقتنع بالغلط لإنه مش شايف الصح»
وتابع القيعي: «الكلام ده خطر جدًا، لإن حجم التناقض اللي بيعيشه مع نفسه وكمان عايز الناس تعيشه معاه بيقلب موازين الحقيقة، مينفعش تنقل كلام بمجرد ما ينتقل الشخص من الرصيف ده لـ ده الكلام يتغير ويبقى عكسه»
واختتم عدلي القيعي تصريحاته قائلًا: «ده بيقول هيطلع محمد صلاح ومش هيطلع زيزو، الكلام ده عكس الماضي كان رضا عبدالعال بيطالب ببقاءه في الملعب وبيطالب بتغيير مركزه عشان يكون موجود أساسي مع المنتخب»
تابعوا آخر أخبار