في الساعات الأخيرة، شهدنا تبادلًا مثيرًا للتصريحات بين الإعلامي أحمد شوبير وثنائي الكرة المصرية السابق، عصام الحضري وأحمد حسن.
القصة بدأت عندما نشر عصام الحضري فيديو مع أحمد حسن عبر موقع التواصل الاجتماعي إكس، حيث ظهر الثنائي وهما يمارسان بعض التدريبات البدنية في أحد الملاعب خلال المعسكر، وعلق الحضري قائلًا: «والله العظيم يا جماعة درجة الحرارة 45 وبيجري معايا عميد لاعبي العالم الأصلي»
بينما علق أحمد حسن قائلًا: «درجة الحرارة 45 لكن الجو حلو ولازم نستغل الأجواء الحلوة دي ونجري شوية»
العميد الاصلى 💪❤️🤣.
— Essam El-Hadary (@ElHadary).
الفيديو لم يمر مرور الكرام، بل علق عليه الإعلامي أحمد شوبير خلال برنامجه على قناة الأهلي قائلًا: «مفيش داعي حد يطلع يقول كلمة على حسام حسن وإبراهيم حسن ويغلس عليهم، المفروض المسؤولين هما أكتر ناس تساند»
وتابع: «إيه الاستفادة يعني؟ في منظومة في اتحاد الكرة بتحاسب اللاعبين لما يغلطوا، أنا هفترض إنك قايل الكلمة بهزار ولكن ده مش وقته، وأنا مش هكرر الكلمة اللي اتقالت»
وأضاف: «إحنا في أسبوع مهم وممكن نوصل فيه لكأس العالم، وكان ممكن تكتم الكلمة دي جواك ولما نوصل ابقى قول اللي يعجبك، وعاوزين نحب بعض شوية والحاجات الصغيرة دي مبتقاش ما بينا»
ليرد عليه أحمد حسن عبر حسابه على «فيس بوك»: «الكابتن شوبير طالع يدينا نصيحة على الهواء، وردي هيكون هنا على الهواء»
أضاف: «لو حابب تتطوع بنصيحة فأكيد رقم تليفوني معاك وكمان أرقام السادة المحترمين في اتحاد الكرة المصري، ولو كانت النصيحة صادقة ولوجه الله أكيد نتقبلها ونشكرك كمان، لكن طالما الكلام على الهواء فالرد هيكون على شوبير هنا على الهواء»
وتابع: «لمعلوماتك أنا أعمل مديرًا لمنتخب مصر المشارك في البطولة العربية (بتكليف ومتطوعًا دون أجر) في محاولة لرد جزء للمكان الذي صنع اسمي وتاريخي كلاعب أنهى مسيرته بلقب عميد لاعبي العالم، أما بالنسبة لقصة هزاري أنا وعصام الحضري فهي أمر معتاد من سنين والجميع يراه، ولم نراك يا كابتن يا كبير يومًا تنصح أو تعترض، ولكن طبعًا كلنا فاهمين دفعاك بقوة واستماتة واعتراضك ليه»
كما علق عصام الحضري، مدرب حراس المرمى في منتخب مصر الثاني، عبر حسابه على «فيس بوك»: «مذيع الإسقاط والتنمر والكيمى كيمى كا والكيمى كيمى كو بيقول نصائح، طيب أنصح نفسك الأول»
وأتم: «كابتن اهدى شوية، ونصيحتي ليك ركز في شغلك أنت بس، ووفر نصايحك لحاجة تانية علشان الموضوع مش مستحمل فتن وخناقات جديدة وكفاية اللي بنشوفه وبيحصل كل يوم، وأنت سيد العارفين»
تابعوا آخر أخبار